Og ég líka...

...því brosið er síungt og fallegt

Brad Pitt afneitar aldrinum

Öðru vísi mér áður brá

..þar kom að því, áfengisneysla með minna móti en hefur þó aukist, verðum við ekki að bæta okkur þar?  Annars gladdi þetta augu brosins þó að einn og einn skaði engan þá eru svo margir sem kunna sér ekki hófs og þekkja ekki þessa tölur einn og einn vilja oft renna saman í 11 eða svo, svo betur má ef duga skal, eigum við að verða mestir og bestir á þessu sviði, miðað við höfðatölu eða kenna fólki tölustafina aftur?

Drykkjusiðir Íslendinga orðnir meinlausari

Númer sex, á leið til byggða

Sá sjötti Askasleikir

var alveg dæmalaus,
hann fram undan rúmunum
rak sinn ljóta haus.

Sé þetta grey alveg fyrir mér, úfinn og grár bíðandi með númer í hendi "hjá Dóra", sé nú stundum nokkra þar sem að gætu alveg verið teknir í misgripum fyrir Jólasvein, ætli það sé til sér lína í hársnyrtivörum fyrir jólasveina, kannski Wella for Santa, kannski þeir hjá "Blue Lagoon" ættu að hanna einhverja góða línu unna úr íslenskum jarðvegi, væri passandi.

Númer fimm, á leið til byggða

Sá fimmti Pottaskefill

var skrítið kuldastrá
þegar börnin fengu skófir
hann barði dyrnar á.

Svei mér þá ef að nútíminn er ekki gjörsamlega að ganga frá karlagreyjunum, á þessu heimili eru engir pottar nema no stick, örsjaldan sem að undirrituð kannski gleymir sér í síma eða þess háttar að eitthvað festist við, sem reyndar á ekki að geta gerst. Annars var ég nú að hugsa í dag, hvaða óttleg vitleysa er þetta í þér að vera að þylja upp hluta af þulunni hans Jóhannesar, en það er svolítið gaman að spá í hversu illa ævi þeir eiga nú í dag, no stick pottar, niðurskurður í sauðfé og kvóti á blessaðar beljurnar, ja ætli þeir segi ekki, heimur versnandi fer, stofna stjórnmálaflokk, fá þrettán þingsæti og semja svo  frumvarp er tryggir þeim jólasveinssæmandi eftirlaun?

 

Númer fjögur. á leið til byggða

Sá fjórði Þvörusleikir

var fjarskalega mjór
og ósköp var hann glaður
þegar eldabuskan fór.

Skyldi hann hafa verið á Herbalife? Annars er ég búin að missa trúna á skyndilausnir, á maður ekki að spara til mögru árana?

Númer þrjú, á leið til byggða

Stúfur hét sá þriðji

stubburinn sá

hann krækti sér í pönnu

þegar kostur var á 

Skyldi hann hafa óhlýðnast mömmsunni sinni og borðað kertavax á unga aldri? Kæmi mér ekki á óvart, eða kannski að Grýla hafi klippt ofan í hann matinn, spurning? Annars eru þetta nú vænstu grey þessir sveinkar

Númer tvö, á leið til byggða

Giljagaur var annar                                                                                                                                með gráa hausinn sinn,
hann skreið ofan úr gili
og skaust í fjósið inn.

Skyldi Giljagaur hafa verið meðvitaður um ágæti þeirra afurða sem blessuð beljan gefur af sér. Tvö glös á dag, fyrir tennur og bein! Vissuð þið ágætu blogglesendur að það þarf um 10 lítra af mjólk til að búa til 1 kg. af osti! Nokkur glös þar.

 

 

Orðið..........

...svo langt síðan síðast að Brosið átti í vandræðum með byrja að pistilinn sinn.  Brosið er bara kátt þessa dagana.  

Brosið fór að versla í dag, sem er svo sem ekki í frásögur færandi nema Brosið stendur sig að því að skoða vel og vandlega framrúður bíla sem leggja í stæði fyrir fatlaða.  Fyrir nokkrum árum fór Brosið að versla í Gripið og Greitt og heyrði þar kallað "Siggi, Siggi, þú verður víst að fara út og færa bílinn, það er einhver fatlaður sem þarf að nota stæðið"  Brosið hefur heyrt um mann sem þurfti að nota svona stæði við stórmarkað hér í Reykjavík og þegar hann kom að stæðinu þá var þar bíll fyrir, hann tók eftir því að það var ekkert spjald og tók sig þá til og lagði fyrir aftan bílinn, eftir drykklanga stund kom hann út og beið þá ekki bílstjóri hins bílsins alveg brjálaður eftir honum og hótaði að kalla til lögreglu, maðurinn sem rétt hafði á nota stæðið sagði: gjörðu svo vel, hringdu og við skulum sjá hver á réttinn hérna.  Ég hef líka oft velt því fyrir mér í hvaða rekka kraftaverkin eru í verslunum.  

Jæja nóg af rausi í bili, Brosið og heimurinn brosir til ykkar..........

Knús í ykkar hús 

Brosið kátt

...en kvíður fyrir morgundeginum, Brosið er nefnilega að byrja í "nýrri" vinnu...flytja úr húsi sem Brosið hefur unnið í alla sína hunds og kattatíð.  Brosið er þó búið að vera í aðlögun eins og litlu börnin undanfarin mánuð, en ansans ári verður þetta skrítið.  Brosið er líka kátt því loksins er búið að skipta um ljós í litla herberginu og nú þarf ljósið ekki að tannbursta sig eða framkvæma aðrar athafnir í myrkri.  

 Gullna regla Brossins:

If you see someone without a smile, then give him yours! 

Sko Birgittu Jóns!

Hún kannski fær að syngja í eitthvað annað en hárburstann sinn hjá Palla kallinum.

 Nú er Brosið glatt.

Ástarlíf McCartneys að glæðast?