Ekki meira takk fyrir kærlega!

Jæja, þar kom að því, nú er Brosinu nóg boðið og lætur það þó ýmislegt yfir sig ganga.  Telja þessir háttvirtu herrar að kjósendur séu algjörir h...v.... Brosinu er spurn, ekki nóg með að borga þessum fyrrverandi/núverandi og verðandi borgarstjórum laun heldur hefur þetta örugglega mun meiri kostnað í för með sér, því auðvitað vill D-listinn og hinn einmanna F-listi koma sínum mönnum aftur að í hinum ýmsu nefndum og ráðum og fá þá þeir sem að víkja ekki biðlaun líka?  Ef þessi háu herrar tala síðan um að ekki sé hægt að borga starfsfólki hreinsunardeildar Rvikborgar, leikskólakennurum og öðrum ómissandi starfsmönnum borgarinnar mannsæmandi laun, þá eru þeir, ég veit bara ekki hvað, þekki ekki nógu sterkt neikvætt lýsingarorð yfir þá,enda er Brosið ekki hrifið af neikvæðum orðum og telur sig ekki vera neikvæða manneskju en eins og góður maður sagði "boy oh boy, jólahvað!"

 

En elskurnar mínar munið að brosa, það kemur alltaf nýr dagur á morgun og vonandi verða ekki borgarstjóraskipti þá. 

Þrír þiggja laun borgarstjóra

Athugasemdir

[Lilja Ingimundardóttir, 22.1.2008 kl. 20:10]

Ég er hjartanlega sammála þér Bros.

Þetta er komið út í þvílíka vitleysu og farið að kosta okkur óþarfa pening.

Haltu áfram að smita brosi og skrifa   Við hin sem erum ekki eins jákvæð reynum að brosa í gegn um tárin.